Pentaqon Ukraynaya yeni hərbi yardım paketinin təfərrüatlarını açıqlayıb

ABŞ Müdafiə Nazirliyi ABŞ-ın Ukraynaya 625 milyon dollarlıq yeni hərbi yardım paketinə daxil ediləcək texnika və silahların siyahısını dərc edib.

Qazet.az xəbər verir ki, bu barədə Ukrayna mətbuatı məlumat verib. 2021-ci ilin avqustundan bəri ABŞ-ın Ukraynaya 22-ci hərbi yardım paketidir. Buraya daxildir: 4 HIMARS çoxlu buraxılış raket sistemi və onların döyüş sursatları; 16 155 mm haubitsa; 75 min 155 mm-lik artilleriya mərmisi; 500 yüksək dəqiqlikli 155 mm-lik artilleriya mərmisi; 1000 155 mm-lik məsafədən tank əleyhinə mina (RAAM); 16 105 mm-lik haubitsa; 120 mm-lik minaatan üçün 30 min mərmi; 200 ədəd MaxxPro mina əleyhinə pusqu maşını; atıcı silahlar üçün 200 min patron; maneələr yaratmaq üçün avadanlıq; Claymore piyada əleyhinə sursat.

Ümumilikdə, 2021-ci ilin yanvarından bəri Birləşmiş Ştatlar Ukraynaya təhlükəsizlik üçün 17,5 milyard dollardan çox yardım edib, Pentaqon qeyd edib.

Ukraynaya 625 milyon dollarlıq yeni hərbi yardım paketinin ayrılması barədə oktyabrın 4-də ABŞ prezidenti Co Bayden Ukrayna prezidenti Vladimir Zelenski ilə söhbəti zamanı bildirib.