Peşə məktəblərinin məzunlarının topladıqları kreditlər universitetlərdə nəzərə alınacaq

Qanuna yeni bənd əlavə olunur

Azərbaycanda "Təhsil haqqında" qanuna dəyişiklik edilir.

Qazet.az-ın əldə etdiyi məlumata görə, qanuna yeni bənd əlavə olunur.

Yeni bəndə əsasən, yüksək texniki peşə təhsili səviyyəsi üzrə ixtisas proqramlarının müvafiq ixtisaslar üzrə ali təhsil proqramlarına uyğunluğu təmin edilir və bu təhsil səviyyəsini müvəffəqiyyətlə başa vuran məzunların – subbakalavrların topladıqları kreditlər bakalavriat səviyyəsinin uyğun ixtisaslarında ali təhsil müəssisələri tərəfindən nəzərə alınacaq.