"Peyvənd vurdur, dönər ye" - Almaniyada yeni kampaniya

Vaksinasiyaya təşviq etmək məqsədli təşəbbüs

Almaniyada türk əsilli iş adamı insanaları koronavirus əleyhinə vaksinasiyaya təşviq etmək məqsədilə maraqlı təşəbbüs göstərib.

Qazet.az “Haber Global”a istinadən xəbər verir ki, Berlindəki “Kaplan Dönər”in sahibi Rəmzi Kaplan peyvənd olunan hər kəsə ona aid restoran və kafelər şəbəkəsində pulsuz dönər ikram ediləcəyini bildirib.

Kaplanın sözlərinə görə, kampaniyaya start veriləndən cəmi iki saat sonra artıq 80 nəfər vaksin olunmuş şəxs mükafat üçün iaşə obyektlərinə müraciət edib.

Kampaniyanın 3 gün davam edəcəyi bildirilib.