Piterdə toyda azərbaycanlı güllələndi

Rusiyanın Sankt-Peterburq şəhərində atışma baş verib.

Qazet.az xəbər verir ki, bu barədə Rusiya mətbuatı məlumat yayıb.

Məlumata görə, hadisə dünən axşam şəhərin Vitebsk prospektində yerləşən “Avropa” restoranında olub. 31 yaşlı Moskva sakini restoranda 26 yaşlı Peterburq sakini ilə mübahisə edib. Qəfildən Moskva sakini üzərindənki tapança ilə qarşısındakı şəxsə 5 dəfə atəş açıb.

Yaralını xəstəxanaya çatdırmaq mümkün olmayıb, o elə yoldaca ölüb.

Şübhəli qısa zamanda polis tərəfindən yaxalanıb.

***

Sankt-Peterburq şəhərində atışmada öldürülən şəxsin azərbaycanlı olduğu bildirilib.

Qazet.az xəbər verir ki, bu barədə Teleqram kanalları məlumat yayıb.

31 yaşlı Elvar Əmiraslanov Moskvadan Piterə toya gəlib.

Belə ki, E.Əmiraslanov şənliyin sonunda 26 yaşlı yerli sakin Vüqar Namazəliyevlə mübahisə edib. Bu zaman Moskvadan gələn qonaq "Qroza-01" travmatik tapançasından Vüqara beş dəfə atəş açıb. Valideynləri Vüqarı xəstəxanaya aparan zaman o, yolda dünyasını dəyişib.

Hadisəni törədən E.Əmiraslanov isə saxlanılıb.