Pivə ilə dolu yük maşını qəzaya uğradı

Floridada (ABŞ) yarımqoşqulu yük maşınının qəzaya uğramasından sonra minlərlə pivə qutusu yola dağılıb.

Qazet.az xəbər verir ki, pivə daşıyan yarımqoşqu yolun kənarında dayanmış yük maşınlarına çırpıldıqdan sonra bütün zolaqlar bağlanıb.

Məlumata görə, hadisə nəticəsində ağır xəsarət alan yoxdur.

Yerli medianın məlumatına görə, iki yarımqoşqu avtomobilin sıx olduğu şosseyə çırpılaraq aşıb. (BBC)

Arxadan gələn pivə daşıyan yük maşını isə vaxtında dayana bilməyib və yolda dayanan avtomobillərə çırpılıb.

Yük maşınlarından birinin daşıdığı pivə ilə yanaşı, beton da yola tökülüb.

Magistral yol bir neçə saatdan sonra yenidən açılıb.