Polis koronavirusu yayan 4 nəfəri yaxaladı

Respublika ərazisində ictimai yerlərdə 4 aktiv koronavirus xəstəsi aşkarlanıb

Dekabrın 20-də polis əməkdaşları tərəfindən respublika ərazisində ictimai yerlərdə 4 aktiv koronavirus xəstəsi aşkarlanıb.

Daxili işlər nazirliyinin Mətbuat xidmətindən Qazet.az-a verilən məlumata görə, polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.

Ev şəraitində müalicə təyin edilməsinə baxmayaraq, yaşayış yerini tərk edən 1 nəfər barəsində isə cinayət məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb.