Prezident İlham Əliyev bu sazişi təsdiqlədi

Saziş qüvvəyə mindikdən sonra Azərbaycan Energetika nazirliyi onun müddəalarının həyata keçirilməsini təmin etməlidir

Prezident İlham Əliyev "Azərbaycan Respublikasının Energetika Nazirliyi ilə Çex Respublikasının Sənaye və Ticarət Nazirliyi arasında energetika sahəsində əməkdaşlıq haqqında Saziş"in təsdiq edilməsi barədə Fərman imzalayıb.

Qazet.az AZƏRTAC-a istinadən bildirir ki, Fərmana əsasən, 2021-ci il sentyabrın 30-da Bakı şəhərində imzalanmış "Azərbaycan Respublikasının Energetika nazirliyi ilə Çex Respublikasının Sənaye və Ticarət Nazirliyi arasında energetika sahəsində əməkdaşlıq haqqında Saziş" təsdiq edilib.

Bu Fərmanın 1-ci hissəsində göstərilən Saziş qüvvəyə mindikdən sonra Azərbaycan Energetika nazirliyi onun müddəalarının həyata keçirilməsini təmin etməlidir.

Azərbaycan xarici işlər nazirliyi Sazişin qüvvəyə minməsi üçün zəruri olan dövlətdaxili prosedurların yerinə yetirildiyi barədə Çex Respublikası hökumətinə bildiriş göndərməlidir.