Prezident Zəfər günü münasibətilə hərbçiləri təbrik etdi
Siyasət
16:52 07 noy, 2022
![Prezident Zəfər günü münasibətilə hərbçiləri təbrik etdi](https://qazet.az/resized/fit900x500/center/pages/120120/c4cab77a-54ca-3a70-ae59-96a0f65431d0-850.jpg)
Azərbaycan Prezidenti, Silahlı Qüvvələrin Müzəffər Ali Baş Komandanı İlham Əliyev Füzulidə Zəfər Günü münasibətilə hərbçiləri təbrik edib.
Qazet.az-ın xəbərinə görə, dövlət başçısı Füzuli rayonu ərazisində Müdafiə Nazirliyinin yeni istifadəyə verilmiş “N” saylı hərbi hissəsində yaradılan şəraitlə tanış olduqdan sonra hərbçilərlə birgə foto çəkdirib.
Prezident İlham Əliyev hərbçiləri 8 Noyabr – Zəfər Günü münasibətilə təbrik edib.
Qeyd edək ki, noyabrın 7-də Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyev Füzuli rayonu ərazisində Müdafiə Nazirliyinin yeni istifadəyə verilmiş “N” saylı hərbi hissəsində yaradılan şəraitlə tanış olub.