Putin geniş mətbuat konfransı keçirəcək
Sberbank tərəfindən təşkil edilən bu beynəlxalq konfrans 10-12 noyabr keçiriləcək
Rusiya Prezidenti Vladimir Putin geniş illik mətbuat konfransını keçirməyi planlaşdırır, lakin tədbirin tarixi hələ müəyyən edilməyib.
Qazet.az Rusiya mətbuatına istinadən xəbər verir ki, bu barədə Kremlin sözçüsü Dmitri Peskov bildirib.
O qeyd edib ki, prezident süni intellekt və məlumatların təhlilindən bəhs edən "AI Journey 2021" konfransında iştirak etməyi planlaşdırır:
"Sberbank tərəfindən təşkil edilən bu beynəlxalq konfrans 10-12 noyabr keçiriləcək", - deyə Peskov vurğulayıb.
Bildirək ki, Kremlin sözçüsü bu ilin dekabrında Putinin Hindistana səfəri ilə bağlı dəqiq heç nə deyə bilməyib:
"Bu barədə heç nə deyə bilməyəcəyəm. Bütün səfərlər vaxtında elan edilir", - Peskov bildirib.
Xatırladaq ki, bir müddət əvvəl Hindistanın Moskvadakı səfiri Bala Venkateş Varma TASS-a müsahibəsində Putinlə Hindistanın Baş naziri Narendra Modi arasında görüşün 2021-ci ilin dekabrına planlaşdırıldığını açıqlayıb.