Putin Türkiyəni belə “mükafatlandırdı” - “Ərdoğana minnətdar olmalısınız”

Rusiya təbii qazının Avropaya tədarükü üçün Türkiyədə mərkəzin qurulması Ankaranın Qərb üzərində mövqeyini daha da gücləndirəcək.

Qazet.az Türkiyə mənbələrinə istinadən xəbər verir ki, ekspertlər hesab edir ki, bu, Ankara üçün ciddi uğurdur. Bildirilir ki, Türkiyənin Ukrayna məsələsində balanslı siyasət yürütməsi Rusiyada Ankaraya tam etibar edilə biləcəyi barədə fikir formalaşdırıb. Rusiya tərəfi həm də Türkiyənin təhlükəsizlik baxımından da etibarlı olduğunu hesab edir.

Xatırladaq ki, Prezident Vladimir Putin Avropaya təbii qaz tədarükü üçün Türkiyədə mərkəz qurulmasını təklif etmiş, Rəcəb Tayyib Ərdoğan müsbət qarşılamışdı. Putin bildirib ki, Türkiyə Avropa Birliyinə təbii qaz tədarükünün ən etibarlı keçid məntəqəsi olduğunu sübut edib. Putin həmçinin bildirib ki, Ukrayna taxılını alan ölkələr Ərdoğana minnətdar olmalıdır.