Bakı 20˚C Sunny

Putin Zelenski ilə təkbətək görüşə razılıq verdi – Kremldən rəsmi açıqlama

Gündəm 19:17 11 mar, 2022

Türkiyə Prezidentinin sözçüsü İbrahim Kalın da Putinlə Zelenskinin görüşündən danışıb

Putin Zelenski ilə təkbətək görüşə razılıq verdi – Kremldən rəsmi açıqlama

“Rusiya Prezidenti Vladimir Putinlə həmkarı Volodimir Zelenski arasında görüş keçirilməsi istisna edilmir”.

Qazet.az-ın TASS-a istinadən xəbərinə görə, bunu Rusiya Prezidentinin sözçüsü Dmitri Peskov deyib.
O belə görüşün mümkünlüyünü vurğulayıb: “Bəli, bu mümkündür. Lakin görüş nəticə üçün olmalıdır. Bundan ötrü isə həm nümayəndə heyətləri, həm də nazirlər öhdəliklərini yerinə yetirməlidirlər. Rusiyanın mövqeləri məlumdur”

Türkiyə Prezidentinin sözçüsü İbrahim Kalın da Putinlə Zelenskinin görüşündən danışıb:

“Rusiyanın xarici işlər naziri Sergey Lavrov bildirib ki, Prezident Vladimir Putin heç bir tərəddüd etmədən Ukrayna Prezidenti Volodimir Zelenski ilə görüşə bilər. Ona görə də yaxın vaxtlarda Rusiya və Ukrayna prezidentlərinin görüşü mümkündür. Məncə, bu, çox yaxşı əlamətdir. Belə bir görüşün yaxın gələcəkdə baş tutmasının mümkünlüyünü ehtimal etməyə hər cür əsas var”.