Qanunsuz ov edən şəxs saxlanıldı

Hazırda faktla bağlı RPŞ-də araşdırma davam etdirilir

Xızı rayon polis şöbəsinin əməkdaşları qanunsuz ov edən şəxsi saxlayıblar.

Daxili işlər nazirliyinin Mətbuat xidmətinin Quba regional qrupundan Qazet.az-a verilən məlumata görə, polis əməkdaşları tərəfindən keçirilmiş əməliyyat-axtarış tədbirləri nəticəsində İbrahim Kamalov rayonun Sitalçay kəndi ərazisində üzərində qanunsuz daşıdığı 16 kalibrli ov tüfəngi ilə ov edərkən yaxalanıb.

RPŞ-ə gətirildikdən sonra İ.Kamalovun rayon ərazisində qaz xəttinin bir neçə dayaq borularını oğurlaması da müəyyən edilib.

Hazırda faktla bağlı RPŞ-də araşdırma davam etdirilir.