Qarlı havaya görə 12 nəfər xəsarət alıb

Hava şəraiti ilə əlaqədar olaraq dünən axşam saatlarından etibarən Səhiyyə Nazirliyi Elmi-Tədqiqat Travmatologiya və Ortopediya İnstitutuna 12 nəfər müxtəlif dərəcəli bədən xəsarətləri ilə müraciət edib.

Bu barədə Qazet.az-a Səhiyyə Nazirliyindən məlumat verilib.

Bildirilib ki, müraciət edənlərdən 11-i qadın, 1 kişidir. Zərərçəkənlərə tibbi yardım göstərildikdən sonra ambulator müalicə üçün evə buraxılıblar.