Qaxda avtomobil telefon dirəyinə çırpılıb, xəsarət alanlar var

Qaxın Qax-Qıpçaq avtomobil yolunun Kötüklü kəndində "VAZ-2106" markalı avtomobil telefon dirəyinə çırpılıb.

Qazet.az-ın məlumatına görə, hadisə nəticəsində 1999-cu il təvəllüdlü Kərimov Şəmsəddin Təmraz oğlu və 2002-ci il təvəllüdlü Süleymanzadə Nihad Akif oğlu müxtəlif dərəcəli xəsarətlər alıblar.

Yaralılar Qax Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.