Qazaxıstanda prezidentliyə namizədlərin irəli sürülməsi başa çatıb

Qazaxıstanda respublika prezidentliyinə namizədlərin irəli sürülməsi başa çatıb. 12 nəfər öz namizədliyini irəli sürüb. 

Qazet.az xəbər verir ki, bu barədə Lenta.ru yerli MSK-ya istinadən xəbər verir.

Bundan əvvəl məlum olub ki, Qazaxıstan Mərkəzi Seçki Komissiyası (MSK) ölkənin hazırkı prezidenti Kasım-Jomart Tokayevi namizəd kimi qeydə alıb. O, ictimai-siyasi qüvvələrin xalq koalisiyası tərəfindən irəli sürülüb.

Həmçinin məlum olub ki, sənədləri MSK-ya Qazaxıstan parlamentinin (parlamentin aşağı palatası) keçmiş deputatı Nurjan Altaev, iqtisadçı alim Meyram Kacıken, “Atameken” Milli Sahibkarlar Palatasının aqrar-sənaye kompleksi komitəsinin sədri təqdim edib. 

MSK-nın məlumatına görə, seçki yarışında həmçinin üç qadın - peşəkar sosial işçilər alyansı tərəfindən namizədliyi irəli sürülmüş ictimai xadim Karakat Abden, hüquq müdafiəçisi Saltanat Tursynbekova və “Praktik Psixologiya” ictimai birliyinin nümayəndəsi Fatimə Bizakova iştirak edəcək.

Namizədlərin qeydiyyatı mərhələsi oktyabrın 21-də başa çatacaq, bundan sonra noyabrın 19-da sükut gününə qədər davam edəcək seçki kampaniyasına start veriləcək.