Qərb Ukraynanı Belarusla müharibəyə sövq edir - Lukaşenko

"Krım körpüsündə baş verən son hadisələr terror təhlükəsi səviyyəsinin əhəmiyyətli dərəcədə artdığını göstərir".

Qazet.az TASS-a istinadən xəbər verir ki, Belarus prezidenti Aleksandr Lukaşenko bildirib ki, Ukraynanın Belarus sərhədində ikinci cəbhə açması tamamilə mənasızdır, lakin Qərb onu belə bir müharibəyə sövq edir.

"Mən artıq dedim ki, Ukrayna bu gün Belarus ərazisinə zərbələr endirmək üçün təkcə müzakirələr aparmır, həm də planlaşdırır. Təbii ki, ukraynalılara bu, qətiyyən lazım deyil. Yaxşı, niyə bizim cənub sərhədlərimizdə - öz şimal sərhədlərimizdə ikinci cəbhə açmalıdırlar? Hərbi nöqteyi-nəzərdən bu, çılğınlıqdır”, -  Lukaşenko təhlükəsizlik məsələləri ilə bağlı iclasda deyib.

Lukaşenko xatırladıb ki, - "o zaman çox yaxşı bilirdim ki, bizim üçün ən təhlükəli istiqamət qərb istiqamətidir. Əgər biz onu müdafiəsiz qoysaydıq, bu gün müharibə qapımızın ağzında olardı. Amma biz silahlı qüvvələrimizi orada saxlamağa üstünlük verdik. Üstəlik, biz hərbi qüvvələrimizi gücləndirdik". 

O vurğulayıb ki, Krım körpüsündə baş verən son hadisələr terror təhlükəsi səviyyəsinin əhəmiyyətli dərəcədə artmasından xəbər verir.