Qızıl yenidən bahalaşıb

Nyu-Yorkun “Comex” birjasında qızılın fevral fyuçersləri 0,24% bahalaşıb

Dünən ABŞ dollarının möhkəmlənməsi ilə əlaqədar olaraq 2% ucuzlaşan qızılın qiyməti korreksiya çərçivəsində artıb.

Qazet.az birjalara istinadən xəbər verir ki, Nyu-Yorkun “Comex” birjasında qızılın fevral fyuçersləri 0,24%, yaxud 4,3 ABŞ dolları bahalaşaraq, 1 unsiyası 1 797,4 ABŞ dollarına satılıb. Gümüşün mart fyuçerslərinin qiyməti isə 0,34% artaraq, 1 unsiyası 22,753 ABŞ dolları təşkil edib.

ABŞ dollarının indeksi 1,4% artaraq, 97,29 bəndə çatıb. ABŞ dollarının digər valyutalara qarşı möhkəmlənməsi qızılı digər valyuta istifadəçiləri üçün daha az əlçatan edir.