Qüds şəhərində partlayış - VİDEO

Bu gün səhər saatlarında Qüds şəhərinin girişində baş verən partlayış nəticəsində 7 nəfər xəsarət alıb.

Qazet.az İsrailin Kan radiostansiyasına istinadla xəbər verir ki, yaralılardan ikisinin vəziyyəti ağırdır. İlkin məlumata görə, dayanacağa qoyulan çantadakı partlayıcı qurğu işə düşüb.

İlk partlayışdan bir müddət sonra Qüdsdəki Ramot yolayrıcında daha bir partlayışın baş verdiyi barədə xəbərlər yayılıb. İnsident nəticəsində heç kimin xəsarət almadığı bildirilir. Hazırda hər iki partlayışın təfərrüatları araşdırılır.

“The Jerusalem Post” qəzeti terror aktı da daxil olmaqla, hadisənin bir neçə versiyasının nəzərdən keçirildiyini yazıb.