"Real Madrid"in prezidenti qışda Mbappeni ala biləcəklərini açıqlayıb

Bu barədə "kral klubu"nun prezidenti Florentino Peres "El Debate" nəşrinə açıqlamasında deyib

Fransanın PSJ klubunun futbolçusu Kilian Mbappe qış transfer dönəmində İspaniya "Real Madrid"inə keçə bilər.

Qazet.az-ın məlumatına görə, bu barədə "kral klubu"nun prezidenti Florentino Peres "El Debate" nəşrinə açıqlamasında deyib.

74 yaşlı funksioner Mbappenin transferinin yanvarın 1-dək həll olunacağına ümid etdiyini bildirib.

Qeyd edək ki, Kilian Mbappe bu mövsüm Liqa1-də 9 oyuna 4 qol və 3 məhsuldar ötürmə ilə yadda qalıb. PSJ isə 9 matçdan 24 xalla liderdir. Mbappenin müqaviləsi 2022-ci ildə başa çatacaq. Madrid təmsilçisi avqustda fransalı forvard üçün qarşı tərəfə 220 milyon avro təklif etsə də, müsbət cavab almayıb.