Rəşad Nəbiyev vətəndaşları qəbul edib
Cəmiyyət
17:35 07 dek, 2022
Bu gün rəqəmsal inkişaf və nəqliyyat naziri Rəşad Nəbiyev Şirvan şəhərində vətəndaşları qəbul edib.
Qazet.az nazirliyə istinadən xəbər verir ki, qəbulda Hacıqabul, Salyan, Neftçala rayonlarının və Şirvan şəhərinin sakinlərinin nəqliyyat, telekommunikasiya, o cümlədən internet, teleradio yayımı və poçt xidmətləri ilə bağlı müraciətlərinə baxılıb.
Nazir müraciətlərin araşdırılması ilə əlaqədar tapşırıqlar verib, qaldırılan problemlərin bir qismi dərhal həllini tapıb. Nazirliyin fəaliyyət sahələrinə aid olmayan müraciətlər isə qeydiyyata alınaraq müvafiq qurumlara göndəriləcək.