Rihanna sevgilisi ilə məşhur filmdə yer aldı - Foto

Rihanna və reper sevgilisi ASAP Roki “Black Panther” filminin təqdimatına qatılıb.

Qazet.az xəbər verir ki, qırmızı xalıda pozalar verən cütlük libasları ilə diqqət çəkib. ASAP “oversize” dəstə üstünlük versə də, Rihanna parıltılı geyim seçib.

Reper qırmızı xalıda övladının anasını öpməyi də unutmayıb.

Rihanna həmçinin 6 ildən sonra ilk yeni mahnısının çıxacağı tarixi açıqlayıb.

Müğənni 14 saniyəlik klipi ilə birlikdə "Lift Me Up" mahnısının adını və "10.28.22" tarixini yazaraq "Twitter"də paylaşım edib.

"Lift Me Up" noyabr ayında nümayiş olunacaq "Marvel" istehsalı "Black Panther: Wakanda Forever"in əsas mahnısı olacaq.

Rejissor Rayan Kuqler müğənninin layihədə iştirakının filmin birinci hissəsinin baş rol ifaçısı "Qara Pantera"nı canlandıran mərhum Çadvik Bozmanın şərəfinə olduğunu bildirib.