Ronaldo “Əl-Nassr”a keçidi ilə bağlı yayılan məlumatlara münasibət bildirib

Portuqaliya millisinin hücumçusu Kriştiano Ronaldo Səudiyyə Ərəbistanının "Əl-Nəsr" klubuna keçəcəyi ilə bağlı yayılan xəbərləri təkzib edib. 

Qazet.az xəbər verir ki, bu barədə "Gazeta.ru" məlumat yayıb.

"Xeyr, bu doğru deyil" Ronaldo bildirib.

Qeyd olunub ki, müqavilə 2,5 il müddətinə, mövsüm başına təxminən 200 milyon avro maaşla imzalanacaq. Bu məbləğə reklam gəlirləri də daxildir. Beləliklə, Səudiyyə Ərəbistanında qaldığı bütün müddət ərzində portuqaliyalı hücumçu təxminən 500 milyon avro qazana biləcək.

Noyabrda “Mançester Yunayted ” tərəflərin qarşılıqlı razılığı ilə Ronaldonun müqaviləsinə xitam verdiyini açıqlamışdı. Hücumçu daha əvvəl jurnalist Piers Morqana müsahibə verib və orada "Mançester Yunayted"in ona xəyanət etdiyini bildirib. Portuqaliyalı klubun rəhbərliyini və məşqçilər korpusunu tənqid edərək, komandanın çalışdırıcısı Erik ten Haqa hörmət etmədiyini qeyd edib.

Daha əvvəl Rusiya futbol yığmasının sabiq futbolçusu Dmitri Bulıkin Ronaldonun “Əl-Nəsr”ə mümkün keçidi haqda danışıb.