Ronaldonun yenidən ata olacaq

Kriştiano Ronaldo əkiz uşaq atası olacaq

Dünyaca məşhur portuqaliyalı futbolçu 4 uşaq atası "Mançester Yunayted"in ulduzu Kriştiano Ronaldo yenidən ata olmağını elan edib.

Qazet.az xəbər verir ki, Ronaldo model və rəqqasə sevgilisi Corcinya Rodriqezin əkiz uşaq gözlədiyini “İnstaqram” hesabında paylaşdığı foto ilə bildirərək sevincini bölüşüb.

"Əkiz uşaq gözlədiyimizi elan etməkdən şadıq. Ürəyimiz sevgi ilə doludur - sizinlə görüşməyi səbirsizliklə gözləyirik #blessed".

Pərəstişkarları cütlüyə dəstəklərini bildirmək üçün paylaşılan statusa çoxlu təbrik şərhləri yazıblar. Fanatları “Sənin üçün çox xoşbəxtəm!”, “Ronaldo özünəməxsus futbol komandası yaradır” kimi sözlər yazıblar.