Rus diplomatın Londondakı görüşə maraqlı reaksiyası

Rusiya nümayəndəsi 5+1 danışıqları məsələsində hamının bir qayıqda oturduğunu bildirib

Vyana danışıqlarında iştirak edən Rusiya nümayəndəsi tərəflərə müvəffəqiyyətlər arzulayıb.

Qazet.az Fars xəbər agentliyinə istinadən xəbər verir ki, Rusiyanın  Vyanada beynəlxalq təşkilatlardakı nümayəndəsi Mixail Ulyanov İran və ingilis diplomatlarının Londondakı növbəti görüşünə reaksiya verib.  

Mixail Ulyanov öz tvitter hesabında bu barədə yazıb: “İranlı və ingilis həmkarlarıma uğur diləyirəm. Lütfən, unutmayın ki, 5+1 danışıqları məsələsində biz hamılıqla bir qayıqda oturmuşuq. Digər bütün problemlər ikinci dərəcəli əhəmiyyətə malikdir”.