Rusiya korona ilə bağlı bütün qadağaları ləğv etdi

Bu barədə “Rospotrebnadzor” məlumat yayıb

Rusiya koronavirusla bağlı əvvəllər tətbiq etdiyi məhdudiyyətləri dayandırır.

Qazet.az xəbər verir ki, bu barədə “Rospotrebnadzor” məlumat yayıb.

“Epidemioloji prosesin intensivliyinin davamlı azalması ilə əlaqədar “Rospotrebnadzor” əvvəllər tətbiq edilmiş məhdudiyyətləri dayandırır”, - məlumatda qeyd olunub.

Qərarla maska ​​rejimi, iaşə obyektlərində gecə işləmək qadağası və bir sıra digər məhdudiyyətlərə aid edilir.

Qeyd edək ki, son sutkada Rusiyada 3106 nəfər koronavirusa yoluxub, onlardan 1195 nəfəri xəstəxanaya yerləşdirilib.