Bakı 16˚C Partly sunny w/ showers

Rusiya sülhməramlıları Xocalıda təlim keçdi - Bəyanat POZULDU

Gündəm 17:45 21 sen, 2021

Rusiya sülhməramlıları növbəti dəfə üçtərəfli bəyanatın şərtlərini pozdu

Rusiya sülhməramlıları Xocalıda təlim keçdi<span style="color:red"> - Bəyanat POZULDU</span>

Azərbaycanın Qarabağ bölgəsində müvəqqəti olaraq yerləşdirilmiş Rusiya sülhməramlıları 2020-ci ilin 9/10 noyabr tarixində imzalanmış üçtərəfli bəyanatı pozublar.

Qazet.az xəbər verir ki, bu barədə məlumatı “Haqqin.az” yazıb.

Məlumata əsasən, rus sülhməramlılar Qarabağ dağlarında şərti yaralanmış şəxsin təxliyyəsi ilə bağlı təlimlər həyata keçiriblər. Rusiyanın Müdafiə Nazirliyinin rəsmi saytında yer alan məlumata görə, təlim Xocalı hava limanında Mi-8 AMTŞ tipli “Terminator” helikopteri vasitəsilə keçirilib.

Qeyd olunur ki, sözügedən təlim üçtərəfli bəyanatın Qarabağda istifadə olunmasına icazə verilən hərbi texnikalar bəndini kobud şəkildə pozur. Belə ki, nəqliyyat-hücum helikopterləri sülhməramlıların yerləşdiyi ərazidə hərbi texnika siyahısına daxil edilməyib.