Rusiyada növbəti koronavirus antirekordu

Rusiyada son sutka ərzində 1189 nəfərin koronavirusdan öldüyü bildirilib

Rusiyada son sutka ərzində daha 40 443 nəfər yeni növ koronavirus (COVID-19) infeksiyasına yoluxub.

Qazet.az APA-ya istinadən xəbər verir ki, Rusiyada COVID-19-a yoluxanların sayı 8 633 643 nəfərə çatıb.

Son sutka ərzində 1189 nəfərin koronavirusdan öldüyü bildirilib. Bu, pandemiya dövründə ölüm halında maksimum göstərici olub. Ümumilikdə koronavirusdan ölənlərin sayı 242 060 nəfərə çatıb.

Qeyd edək ki, Rusiya koronavirusa yoluxmaların sayına görə ABŞ, Böyük Britaniya və Türkiyədən sonra dördüncü yerdə gəlir.