Rusiyada saxta içki faciəsi - 26 nəfər öldü...

Rusiyada saxta içki faciəsi

Rusiyanın Orenburq şəhərində 26 nəfər saxta içki səbəbiylə həyatını itirib. Hüquq-mühafizə orqanları tərəfindən başladılan istintaq zamanı 6 nəfər saxlanılıb.

Qazet.az xəbər verir ki, Qazaxıstanla sərhəd olan Orenburq şəhərində 28 nəfər isə saxta içki zəhərlənməsinə görə xəstəxanada müalicə alır. Hadisəylə bağlı hüquq-mühafizə orqanları bölgədə araşdırmaya başlayıblar. 

Qeyd edək ki, hələ 2016-cı ildə Sibirdə də saxta içkidən kütləvi zəhərlənmə halı baş vermişdi. Bundan sonra aidiyyatı qurumlar dərman, ətir və içkilərin istehsalına nəzarəti gücləndirmişdi.