Rusiyalı general 100 min dollar rüşvət almaqda ittiham olunur

Məlumatı TASS agentliyi yayıb

Rusiya Silahlı Qüvvələrin Mühəndis Qoşunlarının rəis müavini, general-mayor Ruslan Allahverdiyev 6 mln 700 min rubl (təxminə 100 min dollar) məbləğində rüşvət almaqda şübhəli bilinərək saxlanılıb.

Qazet.az xəbər verir ki, məlumatı TASS agentliyi yayıb.

Məlumata görə, o, “Loqis” Məhdud Məsuliyyətli Cəmiyyətin baş direktoru Nikolay Semeykindən 100 min dollar pul alıb.

R.Allahverdiyev ümumi məbləği bir milyon rubl (təxminən 15 min dollar) təşkil edən 3 rüşvət alma hadisəsində də şübhəli bilinir.