Rusiyanın Saratov vilayətindəki aerodromda partlayış səsləri eşidilib

Rusiyanın Saratov vilayətinin Engels şəhərində dekabrın 26-na keçən gecə güclü partlayış baş verib.

Qazet.az-ın UNİAN-a istinadla xəbərinə görə, partlayış Engels-2 strateji aerodromunun ərazisində eşidilib. Şəhərdə həyəcan siqnalı verilib.

Hadisə şahidlərinin sözlərinə görə, təcili yardım maşınları və Fövqəladə Hallar Nazirliyinin bölmələri partlayış yerinə gedib. Sözügedən aerodromda Tu-95 və Tu-160 strateji bombardmançıları dislokasiya olunub.