Bakı 7˚C Sunny

Rusiyaya körpələr üçün peyvənd tədarükü dayandırılır

Cəmiyyət 14:55 04 iyl, 2022

Bu barədə Rusiya KİV-ləri məlumat yayıb

Rusiyaya körpələr üçün peyvənd tədarükü dayandırılır

Amerikanın MSD əczaçılıq şirkəti Rusiyaya körpələr üçün nəzərdə tutulan suçiçəyi, qızılca, məxmərək və parotit xəstəliyinə qarşı vaksinlərin tədarükünü dayandırır.

Qazet.az xəbər verir ki, bu barədə Rusiya KİV-ləri məlumat yayıb. 

MSD ilə əməkdaşlığın dayandırılması barədə məlumat "Nacimbio" holdinqində də təsdiqlənib - ona məxsus Fortu sahəsində 2019-cu ildən bəri suçiçəyi, rotavirus infeksiyası və insan papilloma virusuna qarşı MSD peyvəndlərinin istehsalı lokallaşdırılıb. Hazırda ərazidə mövsümi vaksinlər istehsal olunur.

Şirkət özü də bildirib ki, onlar Rusiyada analoqu olmayan həyati vacib dərmanlar və peyvəndlərin tədarükü üçün "hər cür səy göstərirlər".

Təbliğat mediası iddia edir ki, Rusiyada suçiçəyi, qızılca, məxmərək və parotit xəstəliyinin qarşısını almaq üçün “kifayət qədər yerli vaksinlər” var. Rusiya Səhiyyə nazirinin köməkçisi Oleksiy Kuznetsovun sözlərinə görə, ölkəyə MSD peyvəndlərinin tədarükünün dayandırılması rusiyalılar üçün peyvənd imkanlarına mənfi təsir göstərməyəcək.