Şabranda karantin qaydalarını pozan çay evi aşkarlandı: Səkkiz nəfər saxlanıldı - FOTO

Saxlanılar barəsində qanunvericiliyə uyğun tədbirlər görülüb

Şabranda karantin rejimi qaydalarına zidd olaraq, müəyyən edilmiş vaxtdan sonra fəaliyyət göstərən iaşə obyekti aşkarlanıb.

Daxili İşlər Nazirliyinin Mətbuat Xidmətinin Quba regional qrupundan Qazet.az-a verilən məlumata görə Şabran RPŞ-nin əməkdaşlarının keçirdiyi müvafiq tədbirlərlə rayon ərazisində Rauf Əmiraslanova məxsus çay evinin xüsusi karantin rejimi qaydalarını pozaraq müəyyən olunmuş vaxtdan sonra fəaliyyət göstərməsi aşkar edilib.

Ümumilikdə səkkiz nəfər saxlanılaraq barələrində qanunvericiliyə uyğun tədbirlər görülüb.