Saçlarınız canlılığını itirir və tökülür?

Hektik həyat tərzi, hava şəraiti, qeyri -sağlam pəhriz və stress ... 

Saç tökülməsi təbii bir proses olsa da, bəzi dövrlərdə bir neçə səbəblərdən tökülən saç tellərinin sayı arta bilər.

Ancaq narahat olmaq lazım deyil! Tökülmənin səbəbini müəyyən etdikdən sonra, saç tökülməsinin qarşısını almaq və azaltmaq üçün bir neçə tədbir görmək lazımdır.

Sağlam saçlara sahib olmağın ən təsirli və sadə yollarından biri sağlam və nizamlı qidalanmaqdan keçir. Süd məhsulları, balıq və toyuq kimi zülalla zəngin qidalardan istifadə etmək lazımdır.

Gündəlik qidalanma proqramınıza saçlarınızın ehtiyacı olan A, C və D vitamini ilə zəngin qidaları əlavə edərək saçlarınızı gücləndirə bilərsiniz. 

Yoqa və meditasiya edin, çünkü qadınlarda saç tökülməsinin səbəblərindən biri də stresdir. Bu isə saç sağlamlığına mənfi təsir göstərir. 

Bunun qarşısını almaq üçün streslə mübarizənin ən uğurlu yollarından biri olan yoqanı sınaya bilərsiniz. Yoqa və meditasiya ilə həm stresinizi azalda, həm də daha sağlam saçlara sahib ola bilərsiniz. 

Saçlarınızın tökülməməsinin ən önəmli faktorlarından biri də saç dərinizin və saç köklərinin sağlam olmasıdır. 

Saçınızı ilıq və ya soyuq su ilə yumağa çalışın, baş dərisindəki təbii yağlara zərər verən isti sudan qaçın.
Bu yolla, xüsusilə qış aylarında çətin görünsə də, canlılığını bərpa etmiş güclü saçlardan zövq ala bilərsiniz. 

Fendən əvvəl istifadə etdiyiniz qoruyucu bir serum və ya sprey saçlarınızı istidən qorumağa kömək edə bilər.

Kimyəvi maddələr və boyalarla edilən proseslər də saçlarınızı zəiflədə bilər.

Salonlarda organik boya istifadə etməsini istəyə bilərsiniz və ya bir müddət bu proseslərə ara verib saçlarınıza gücünü bərpa etmə imkanı verə bilərsiniz.

Baş dərisinə masaj etmək qan dövranını sürətləndirir və baş dərisinə gedən oksigen miqdarını artırır. Kökdən ucuna qədər daha güclü saçlara əlavə olaraq, baş dərisi masajı da stresin öhdəsindən gəlməyə kömək edə bilər. Baş dərinizə masaj etmək çox sadədir. Baş dərinizə dairəvi hərəkətlərlə yüngül təzyiq tətbiq etmək kifayətdir. Bu vaxt baş dərisinə sürülə bilən serumlardan da faydalana bilərsiniz.

Avokado ekstraktı və kalendula bitki ekstraktını birləşdirən şampun saçlarınızı canlandırır və qırılma səbəbilə tökülməsinin qarşısını alır. Az miqdarda nəm saça sürtün, yuyun və durulayın.

Saçlarımızın orta ömrü 2-6 ildir. Bu müddətin sonunda həyat dövrlərini tamamlayır və tökülürlər. Başqa bir vəziyyət olmasa, yenə çıxacaqlar. Tökülmə normal insanlarda gündə 100-150 saç telidir.

Saç tökülməsi normaldan fərqli olaraq yalnız müəyyən bölgələrdə cəmlənərsə, hamamda və yastıqda tökülən saç miqdarında artım olarsa, yumurta ağı, zeytun yağı, badam yağı kimi qarışıqlardan möcüzəvi həllər gözləməyin. Bu tökülmə 3 ayı keçərsə və hər dəfə əlimizi atsaq 3-4 iplik saç görünürsə, mütləq həkimə müraciət etməlisiniz. 

Tökülmə normal insanlarda gündə 100-150 saç telidir. Qeyri-adi saç tökülməsini görürsünüzsə, səbəbini öyrənmək üçün dermatoloqa müraciət edin. Saç tökülməsi probleminizin altında dəmir çatışmazlığından tiroid hormon xəstəliklərinə qədər bir çox xəstəlik ola bilər. 

Saç dərisinin və saçın həyati ehtiyaclarını ödəmək üçün qısa və orta müddətdə yaxşı nəticələr verən saç mezoterapiyası kimi bəzi üsullardan faydalanın. 

 Saç tökülməsində mezoterapiyanın təsiri nədir?  

Saç tökülmələrində mezoterapiya olduqca təsirli bir üsuldur. Saç tökülmə səbəbinə görə xüsusi hazırlanmış dərmanlar saçlı dəriyə inyeksiya edilir. Əksəriyyətlə kişilərdə görülən genetik saç tökülmələrində minoksidil, ya da finasterid kimi dərmanlardan ibarət olan qarışıqlar istifadə edilməkdədir. Genetik olmayan saç tökülmələrində saç köklərini qidalandıran, saçlı dərini dəstəkləyən xüsusi vitamin, zülal və mineral qarışımlarından ibarət olan dərmanlar istifadə edilməkdədir. Bu dərmanlar 2-4 həftəlik fasilələrlə 6-8 seans tətbiq olunmaqdadır. 

Günay Cavanşir