Sahibindən ayrılan itin 7,5 kilometrlik dönüş yolu kameralara düşdü - FOTO

İngiltərənin Bristol şəhərində sahibindən ayrılan it 7,5 kilometr uzaqlıqdakı evinə dönə bilib.

Qazet.az xəbər verir ki, bu barədə BBC məlumat yayıb.

“Gözəl bala” kimi tanınan it geri dönüş yolunda şəhərin mühüm nöqtələrindən keçərkən təhlükəsizlik kameralarına düşüb.

Üstəlik, gənc it öz sahibi Libbi Boulzdan 20 dəqiqə əvvəl evə çata bilib.

Bouls itini tapa bilməyəndə yerli Facebook qrupunda itkin düşmüş iti haqqında bildiriş yerləşdirmişdi.

İtinin itdiyini anlayan kimi "qarnına yumruq vurulmuş kimi hiss etdiyini" deyən Libbi Boulz eyni vaxtda Facebook mesajları almağa başlayıb.

Pip adlı iti görən Bristol sakinləri sosial mediada mesajlar paylaşmağa başlayıblar.

47 yaşlı qadın nəhayət evə çatanda iti ilə qarşılaşıb.