Bakı 9˚C Intermittent clouds

Şarl Mişelin İlham Əliyevə zəngi: "Avropa İttifaqı Azərbaycana görə narahatdır"

Gündəm 14:39 05 iyl, 2022

Politoloq bu barədə bildirib

Şarl Mişelin İlham Əliyevə zəngi: "Avropa İttifaqı Azərbaycana görə narahatdır"

Ötən gün Avropa İttifaqı Şurasının Prezidenti Şarl Mişelin iyulun 4-də Azərbaycan prezidenti İlham Əliyevə zəng edib. Aİ Prezidentinin Azərbaycan Prezidenti İlham Əliyevə zəngini necə dəyərləndirmək olar?

“Şarl Mişel telefon danışığında Cənubi Qafqazda sabitlik, sülh və təhlükəsizliyin təmin olunmasının Avropa İttifaqı üçün vacibliyini vurğulayıb”.

Qazet.az xəbər verir ki, bu barədə politoloq Elxan Şahinoğlu bildirib.

Politoloq qeyd edib ki, Şarl Mişel Avropa İttifaqının Ermənistan və Azərbaycan arasında münasibətlərin normallaşdırılması, sülh müqaviləsinin imzalanması, sərhədlərin delimitasiyası və nəqliyyat-kommunikasiya xətlərinin açılması istiqamətində səylərini davam etdirəcəyini bildirib: “Şarl Mişelin bu zəngi son vaxtlar Kremlin fəallaşmasından və Rusiyanın xarici işlər naziri Sergey Lavrovun İrəvana və Bakıya etdiyi səfərlərdən narahatlığa işarədir. Brüssel şübhələnir ki, Moskva işi pozmaq və Avropa İttifaqının Azərbaycanla Ermənistan arasındakı fəal vasitəçiliyini minimuma endirməyə çalışır. Bəli, Kremlin əsas məqsədi elə budur. Brüsselin vasitəçiliyi Azərbaycan və Ermənistan üçün faydalıdır. Əgər Bakı və İrəvan bu vasitəçilikdən yararlanmaqda davam etsələr, Kreml Avropa İttifaqını oyundankənar vəziyyətə sürükləyə bilməyəcək”.