Səməd Seyidov: Azərbaycana qarşı informasiya müharibəsi aparılır

“Azərbaycana qarşı informasiya müharibəsi aparılır. Bu, təxribat xarakterli videoların yayılmasında, ölkənin xaricdəki səfirliklərinə hücumlarda özünü göstərir”.

Qazet.az xəbər verir ki, bunu Azərbaycanın Avropa Şurası Parlament Assambleyasındakı (AŞPA) nümayəndə heyətinin rəhbəri Səməd Seyidov qurumun bu gün işə başlayan payız sessiyasında deyib.

Onun sözlərinə görə, Azərbaycan sülh danışıqlarını davam etdirəcək: “Ermənistan öz silahlı qüvvələrini Azərbaycan ərazisindən çıxarmalı və minalanmış ərazilərin xəritəsini bizə təqdim etməlidir. Azərbaycan sülhün tərəfdarıdır və buna nail olmaq üçün səylərini davam etdirəcək”.