Sergey Lavrov ATƏT sədri ilə Qarabağı müzakirə edəcək

Görüş sabah Moskvada baş tutacaq

Rusiyanın xarici işlər naziri Sergey Lavrov mayın 19-da Moskvada ATƏT-in hazırkı sədri, İsveçin xarici işlər naziri Ann Linde ilə təşkilatın Qarabağda vəziyyətin tənzimlənməsinə yardımını müzakirə edəcək.

Qazet.az xəbər verir ki, bu barədə Rusiya XİN məlumat paylaşıb.

Görüş zamanı, həmçinin ATƏT-in Cənubi Qafqazda təhlükəsizlik və sabitlik üzrə Cenevrə müzakirələrində vasitəçiliyi ilə bağlı məsələlərin müzakirəsi də nəzərdə tutulub.

Bundan başqa, ATƏT-in üzv dövlətlər üçün ümumi problem olan transmilli təhdidlər, terrorçuluq, qanunsuz narkotik dövriyyəsi, transsərhəd mütəşəkkil cinayətkarlıq, kibercinayətlər, insan alveri ilə mübarizədə rolunun artırılması məsələsi müzakirə olunacaq.

Mənbə