Silahlılar yolda 11 nəfəri öldürdülər

Afrikanın qərbində Nigerdə ​​silahlılar yolda 3 yük maşınına hücum edib. Hadisə nəticəsində 11 nəfər həlak olub.

Bu barədə Qazet.az "France24"ə istinadla xəbər verir .

Hücum Niger, Mali və Burkina Faso arasındakı ucqar yolda baş verib. “Üç sərhəd” bölgəsi cihadçı yaraqlıların hücumlarından əziyyət çəkir.

Onların Əl-Qaidə və İŞİD-lə əlaqəsi var.

Banibanqu rayonundan olan rəsminin sözlərinə görə, terrorçular 3 yük maşınının qarşısını kəsib və 9 sərnişini öldürüblər.

Hücum nəticəsində motosiklet sürən iki nəfər də həlak olub.