Şimali Koreya lideri Kim Çen qanadlı raketləri buraxdı

Şimali Koreya lideri Kim Çen In çərşənbə günü uzun mənzilli qanadlı raketlərin sınaqdan keçirilməsinə rəhbərlik edib.

Qazet.az xəbər verir ki, bu barədə Reuters Koreya Mərkəzi Xəbər Agentliyinə istinadən məlumat verir. 

Nəşr qeyd edir ki, atəş zamanı 2 min kilometr məsafədə yerləşən hədəf vurulub.

Agentliyin sözlərindən sitat gətirdiyi Kim Çen Inın sözlərinə görə, respublika “hər hansı hərbi təhlükəyə qətiyyətlə müqavimət göstərmək üçün strateji nüvə qüvvələrinin əhatə dairəsini genişləndirməyə davam etməlidir”.