Şimali Koreyanın buraxdığı raket Yaponiyanın üstündən keçdi

Koreya Xalq Demokratik Respublikası (KXDR) yenidən ballistik raket buraxıb.

Qazet.az xəbər verir ki, hələlik raketin və buraxılışın detalları barədə məlumat yoxdur.

KXDR tərəfindən buraxılan ballistik raket 4 500 km uçub, uçuşun maksimal hündürlüyü 1 000 km olub.

Qeyd edək ki, KXDR ilin əvvəlindən bəri bir neçə dəfə ballistik və hipersəsli raket buraxılışı həyata keçirib.

Bu Şimali Koreyanın 2017-ci ildən bəri Yaponiyanın üzərindən keçən ilk raket sınağıdır. 

Raket Yaponiyanın şimal hissəsindən keçərkən Hokkaydo adasının sakinləri üçün həyəcan siqnalı verilib, binaları və metroları boşaltmaları tələb olunub.