Bakı 34˚C Sunny

Siyəzəndə silsilə narkotik əməliyyatı: 6 nəfər saxlanılıb - FOTO

Hadisə 17:13 20 noy, 2021

Narkotik vasitələrin qanunsuz dövriyyəsinə qarşı bir neçə əməliyyat keçirilib və nəticədə 6 nəfər saxlanılıb

Siyəzəndə silsilə narkotik əməliyyatı: <span style="color:red">6 nəfər saxlanılıb</span> <span style="color:red">- FOTO</span>

Son üç gün ərzində Siyəzən Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı bir neçə əməliyyat keçirilib və nəticədə 6 nəfər saxlanılıb.

Daxili İşlər Nazirliyinin Mətbuat Xidmətinin Quba regional qrupundan Qazet.az-a verilən məlumata görə, keçirilən əməliyyat-axtarış tədbirləri nəticəsində RPŞ əməkdaşları tərəfindən narkotik vasitələrin əldə etməsi, saxlaması, daşıması və satmasında şübhəli bilinən rayon sakinləri Bəxtiyar Qəniyev, Natiq Tağıyev, Elton Bədəlov, Əlişərəf İsmayılov, Zöhrab Lətifov və Xızı rayon sakini Riad Ağabalayev saxlanılıblar. Həmin şəxslərin üzərlərinə və yaşadıqları evə baxış keçirilən zaman xeyli miqdarda narkotik vasitə olan heroin, marixuana və iki ədəd elektron tərəzi aşkar olunaraq götürülüb.

Faktlarla bağlı RPŞ-də cinayət işi başlanılıb.