SOCAR-ın yanacaqdoldurma məntəqəsində tingpaylama aksiyası keçirilib

Aksiyada, həmçinin ekokönüllülər vətəndaşlara ağac tinglərinin əkilməsi və onlara qulluq göstərilməsi qaydalarına dair məlumatlar verib

Dövlət Neft Şirkətinin (SOCAR) yanacaq-doldurma məntəqələrindən (YDM) birində “Bir ağac-min nəfəs” devizi altında tingpaylama aksiyası keçirilib.

Bu barədə Qazet.az-a SOCAR-ın törəmə müəssisəsi - "SOCAR PETROLEUM" QSC-dən bildirilib.

Xatırladaq ki, şirkətin Ekologiya və Təbii Sərvətlər Nazirliyi ilə birhə reallaşdırdığı aksiyanın məqsədi ağac əkmək istəyən hər kəsi tinglərlə pulsuz təmin etməklə onlara dəstək olmaq, təbiətə töhfə verməkdir. Layihənin davamı olaraq, bu gün Bakının Binəqədi rayonunda - Binəqədi-Novxanı yolunda fəaliyyət göstərən YDM-in ərazisində vətəndaşlara ağac tingləri paylanılıb. Aksiyada, həmçinin ekokönüllülər vətəndaşlara ağac tinglərinin əkilməsi və onlara qulluq göstərilməsi qaydalarına dair məlumatlar verib.

Aksiya bundan əvvəl “SOCAR PETROLEUM”un Heydər Əliyev prospektində yerləşən YDM-də keçirilib. Aksiyada paylanılan ağac tingləri ETSN-nin sahələrində yetişdirilir.