SON DƏQİQƏ: Çanaqqala dağlarında yanğın başlayıb - FOTO

Çanaqqalanın Bayramiç rayonu sərhədlərində, Kaz dağlarında baş verən yanğını qruplar nəzarət altına almağa çalışır.

Qazet.az TRTHaber-ə istinadən xəbər verir ki, Bayramiçi, Çırpılar, Kapaklı, Uzunoluk və Kobaklı ərazilərində yerləşən meşə sahəsində naməlum səbəbdən yanğın baş verib.

Küləyin təsiri ilə böyüyən yanğının söndürülməsi üçün vəziyyət aidiyyəti qurumlara çatdırılıb.

Bölgəyə çoxlu sayda çiləyici, dozer, ilk müdaxilə maşınları və canlı qüvvə ilə yanaşı, ətraf bələdiyyələrdən və müxtəlif qurumlardan da qruplar göndərilib.

Kaz dağlarının Bayramiç rayonunda yanğının nəzarət altına alınması üçün müdaxilə davam edir.