Şoyqu: "Əsas məqsədimiz Qarabağ və Suriyada sülhü təmin etməkdir"

Rusiya prezidenti Vladimir Putin müdafiə naziri Sergey Şoyqu ilə Rusiya Müdafiə Nazirliyinin yüksək rütbəli rəsmiləri ilə 2022-ci il üçün fəaliyyətə dair geniş tərkibdə iclasda iştirak edib.

Qazet.az-ın məlunatına görə, iclasda Şoyqu ölkəsinin təhlükəsizliyinin təmin edilməli olduğunu vurğulayıb və deyib:

“NATO-nun Rusiya sərhədləri yaxınlığında hərbi potensialını gücləndirmək, Finlandiya və İsveçlə genişlənmək cəhdlərini nəzərə alaraq, Rusiyanın şimal-qərbində hərbi kontingentin yaradılması da daxil olmaqla tədbirlər görülməlidir . 2023-cü il üçün əsas məqsədimiz xüsusi hərbi əməliyyatı davam etdirmək və Rusiya qüvvələri üçün Qarabağ və Suriyada sülh və sabitliyi təmin etməkdir. “Sarmat” qitələrarası ballistik raket daha əvvəl “uğurla” sınaqdan keçirilib və bu raketlərin yerləşdirilməsi prosesinə başlanılıb”.

Rusiya Hərbi Hava Desant Qüvvələrində 2 diviziya yaradılacağını qeyd edən Şoyqu, “Rusiya Federasiyasının təhlükəsizliyinin təmin edilməsi ilə bağlı problemlərin həlli üçün ordudakı əsgərlərin sayı 1,5 milyona çatdırılmalıdır” - deyə qeyd edib.