Sürücülərin NƏZƏRİNƏ: Hərəkət sxemi YENƏ DƏYİŞDİRİLİR - VİDEO

Keçmiş "Vaz" dairəsi yaxınlığında hərəkətin təşkilində dəyişiklik edilib

Qazet.az xəbər verir ki, bir müddət öncə Bakı-Quba yolunun Abşeron rayonuna düşən hissəsində "Vaz" dairəsinin ləğvi əksər sürücülərin narahatlığına səbəb olmuşdu. Bəzi sürücülər dairənin ləğvini vaxt itkisi kimi qiymətləndirirdilər. Ərazidə yaşayanlar Xırdalan şəhəri və paytaxa getmək üçün Saray qəsəbəsinə gedən yeni yolda uzun məsafə qət etdikdən sonra geri dönüş edə bilirdilər. 

Bütün bu amillər nəzərə alınıb və aidiyyəti qurumlar nəqliyyatın hərəkət sxemində yenilik ediblər.

Azərbaycan Avtomobil Yolları Dövlət Agentliyinin əməkdaşı Vaqif Kərimov deyir ki, ərazidə təhlillər aparılıb və sözügedən yolda yeni geriyə dönmə yerinin yaradılmasına qərar verilib (xəzərxəbər).

Yaxın günlərdə işlərin tamanlanması planlaşdırılır.