Bakı 6˚C Dreary

Tacikistan və ABŞ rəsmiləri Əfqanıstandakı narkotik vəziyyəti müzakirə ediblər

Gündəm 16:29 10 dek, 2021

Tərəflər arasında narkomaniyaya qarşı birgə mübarizə tədbirlərindən bəhs olunub 

Tacikistan və ABŞ rəsmiləri Əfqanıstandakı narkotik vəziyyəti müzakirə ediblər

Tacikistanın Narkotiklərlə Mübarizə üzrə Dövlət Agentliyinin rəhbəri ilə ABŞ səfirinin müavini arasında keçirilən görüşdə Əfqanıstanda və regionda narkotiklərlə bağlı vəziyyət müzakirə olunub.

Qazet.az-ın məlumatına görə, Tacikistanın Dövlət Narkotiklərlə Mübarizə Agentliyinin rəhbəri Həbibulla Vahidzadə Amerika Birləşmiş Ştatlarının bu ölkədəki səfirinin müavini Bridcet Uoker ilə görüşüb. 

Görüşdə Tacikistan tərəfi ABŞ-ın Düşənbədəki missiyasının rəhbərinin müavininə Tacikistanda narkotiklərlə bağlı vəziyyət, ölkənin və hüquq-mühafizə orqanlarının əldə etdiyi nailiyyətlər haqqında məlumat verib.

Tərəflər həmçinin Əfqanıstanda və regionda narkotiklərin vəziyyəti, narkotiklərin dövlət sərhədlərindən daşınması və qanunsuz dövriyyəsi, ABŞ hökumətinin maliyyə və logistik dəstəyi, Tacikistanın Xətlan vilayətinin sərhədyanı rayonlarında regionlararası ofislərin yaradılmasını müzakirə edib.  

Tacikistanın Narkotiklərlə Mübarizə üzrə Dövlət Agentliyinin rəhbəri narkotiklərə nəzarət sahəsində səmərəli əməkdaşlığın yüksək səviyyəsini, xüsusən də narkotiklərlə mübarizə aparan əməkdaşların ixtisasının artırılması üçün təlim kurslarında iştirakının maliyyələşdirilməsi məsələsini yüksək qiymətləndirib. 

Görüşün sonunda ABŞ səfirinin müavini axtarış itlərinin fəaliyyəti və hərbi taktiki təlimlərlə tanış olub, həmçinin narkotik vasitələrin yandırılması və məhv edilməsində iştirak edib.