Təqaüd alacaq magistrantlar bu tarixdə açıqlanacaq

Azərbaycan Milli Elmlər Akademiyasında (AMEA) qış imtahan sessiyasının yanvarın 5-dən fevralın 2-dək keçirilməsi nəzərdə tutulub.

AMEA-dan Qazet.az-a bildirilib ki, hazırda imtahanlar qüvvədə olan normativ hüquqi sənədlərə və təlimatlara uyğun həyata keçirilir, bütün zəruri təşkilati və texniki tədbirlər görülüb, elmi müəssisələrə lazımi metodiki kömək göstərilib.

Qış imtahan sessiyasının nəticələrinə görə, təqaüd almaq hüququ olan magistrantların siyahısı fevralın 15-dək müəyyən ediləcək.