Terror törədən qadından YENİ AÇIQLAMALAR: "Cəsarət həbi qəbul etdim"

İstanbulda terror aktı törədən suriyalı Əhlam Əlbəşirin yeni açıqlamaları yayılıb.

Qazet.az-ın xarici mətbuata istinadən məlumatına görə, terrorçunun "hadisə baş verən gün Bilal mənə cəsarət həbi verdi" dediyi öyrənilib.

Terrorçu açıqlamasında partlayışdan əvvəl İstanbula gələnə qədər yaşadıqlarını belə izah edib:

"Məni qorxutdular ki, sən Özgür Suriya Ordusu üçün casusluq edirsən və ailənə zərər dəyəcək. Bilal dərisi ağarmış, qara saqqalı, bədənində ləkələr olan balaca bir insandır. O, məni zorla aparmaq istəyəndə evdən çıxdım. Hacı onu qorxutdu ki, Bilal nə istəsə, et, yoxsa qardaşın və bacın zərər görəcək. Bilalın istəyi ilə bir neçə dəfə Taksimə getdim. Bilal Taksimdə polisin çox olub-olmadığını soruşmuşdu. Taksi ilə iki dəfə Taksimə gedib qayıtdım. Hacı məndən Taksim heykəlinin qarşısında video çəkməyimi istədi. Bu səbəbdən Taksimdəki heykəlin qarşısında video çəkib hacıya göndərdim. Sonra ətrafdakı mağazaları çəkdim. Görüntülərdə partlayışın baş verdiyi yerin videosunun olması təsadüfdür. Mən bunu qəsdən etməmişəm”.

Terrorçu Əhlam ifadəsinin davamında ona cəsarət həbləri verildiyini bildirib:

"Bilal narkotik çəkir. Mən çəkmirəm. Taksimə getdiyimiz gün məni rahatladacağını dediyi bir həb verdi. Bilal getdiyimiz gün ilk dəfə idi ki, özünü elə yaxşı aparırdı. Taksi çağırıb yola düşdük. Yolda kiminləsə danışdığını bildirdi: "Yaxşı, qardaş, gəlirik." O, əlindəki çantanı mənə uzatdı və "get, gələcəm" dedi. Çantamı götürüb maşından düşdüm. İstiqaqla doğru getməyə başladım".

“Çantanı götürüb İstiqlal küçəsinə girdim. Çantaya baxdığımda cips, tort kimi yeməklər var idi. Aşağıda yumşaq toxuma paketi var idi. Qorxdum, 112-yə zəng etdim. Mən türkcə bilmədiyim üçün zəngi açan adamla danışa bilmədim. Qorxdum. Bu vaxt Hacı zəng vurdu. Mənə arxadan bir güllə göndərdi. Görünüşü başa düşməmiş Hacı dedi ki, çantanı burax, get. Başqası gəlib çantanı alacaq” dedi. Mən də getdim”.