Teymur dünya çempionuna, Şəhriyar isə Giriyə qalib gəldi
İdman
02:35 03 okt, 2021
Oktyabrın 2-də “Champions Chess Tour”un final mərhələsinin yeddinci turunun oyunları keçirilib
![Teymur dünya çempionuna, Şəhriyar isə Giriyə qalib gəldi](https://qazet.az/resized/fit900x500/center/pages/28429/0c09d9df-72d1-40b3-a8a0-f9b115ef2bb1.jpeg)
Oktyabrın 2-də norveçli dünya çempionu Maqnus Karlsenin təşkil etdiyi “Champions Chess Tour”un final mərhələsinin yeddinci turunun oyunları keçirilib.
Qazet.az xəbər verir ki, yeddinci turda Teymur Rəcəbov Maqnus Karlsenlə qarşılaşıb. Şahmatçımız dünya çempionuna 3:1 hesabı ilə qalib gəlib. Digər şahmatçımız Şəhriyar Məmmədyarov isə niderlandlı Aniş Girini 2,5:0,5 hesabı ilə məğlub edib.
Xatırladaq ki, hər matçda rapid üzrə dörd partiya oynanılır. Qalib müəyyənləşməsə, blits və Armageddon görüşlərinin oynanılması nəzərdə tutulur.
Turnirin mükafat fondu 100 min ABŞ dollarıdır.