"Türk dövlətləri arasında əməkdaşlığımızı gücləndiririk"
“Türk Dövlətləri Təşkilatının (TDT) hüquqi əsaslarını və sınaqlara qarşı əməkdaşlığımızı gücləndiririk”.
Qazet.az xəbər verir ki, bunu Türkiyənin xarici işlər naziri Mövlud Çavuşoğlu "tviter"də yazıb.
O, 2023-cü ildə təşkilata sədrlik edəcək Özbəkistana uğurlar arzulayıb.
Qeyd edək ki, bu gün Özbəkistanın Səmərqənd şəhərində TDT Xarici İşlər Nazirləri Şurasınnı 9-cu iclası keçirilib.
Azərbaycanı toplantıda xarici işlər nazirinin müavini Xələf Xələfov təmsil edir. TDT-də müşahidəçi statusu ilə təmsil olunan Macarıstanın xarici işlər və ticarət naziri Peter Siyarto da iclasa qatılıb.
Toplantıda TDT-yə üzv ölkələrin liderlərinin sabah, noyabrın 11-də Səmərqənddə keçiriləcək zirvə toplantısının gündəliyi və imzalanacaq sənədlər müzakirə olunub.
Xatırladaq ki, TDT liderlərinin sammitində təşkilatın gələcək 5 illik fəaliyyəti ilə bağlı strateji fəaliyyət planı qəbul olunacaq.
Həmçinin toplantıda 2009-cu il oktyabrın 3-də TDT-nin Naxçıvanda keçirilmiş iclasından sonra qəbul olunmuş sənədə düzəlişlər edilməsi nəzərdə tutulur.
Zirvə toplantısı çərçivəsində Türkiyə Prezidenti Rəcəb Tayyib Ərdoğana "Türk Dünyasının ali medalı" və Özbəkistanın Milli medalı təqdim olunacaq.
TDT-yə Azərbaycan, Türkiyə, Özbəkistan, Qazaxıstan və Qırğızıstan daxildir. Türkmənistan və Macarıstan isə müşahidəçi ölkələrdir.
Semerkant'ta Türk Devletleri Teşkilatı 9. Zirvesi öncesinde Dışişleri Bakanları Toplantısı'na katıldık.
— Mevlüt Çavuşoğlu (@MevlutCavusoglu) November 10, 2022
Teşkilatımızın hukuki altyapısını ve sınamalara karşı işbirliğimizi güçlendiriyoruz.
Yeni Dönem Başkanı Özbekistan'a başarılar diliyoruz.
🇹🇷🇦🇿🇰🇿🇰🇬🇺🇿🇭🇺🇹🇲@Turkic_States pic.twitter.com/zFaclZLmSs